How To Correctly

Додека институциите со години си играат пинг-понг со документацијата за презаштита на Водно, шумскиот фонд постојано се делка, од сите страни на Скопје. И тоа без многу потешкотии. Парк-шумата е под ингеренции на „Паркови и зеленило“, но јавното претпријатие повеќе претставува нем набљудувач на уништувањето на белодробната оаза, отколку со одврзани раце да може да спречува и санкционира штета врз шума вредна илјадници евра. Со тоа, активно да спречува и загадување, и потенцијални ерозии и поплави во градот.  Проблематично е што 20-ина шумарски документи-записници од 2013 и 2014 година немаат конечна разрешница. Односно, шумарот забележaл сеча во заштитеното подрачје, напишал записници за сторени прекршоци, пресметал на разни локации штети од 15.000, па се до над 500.000 денари. Меѓутоа „Паркови и зеленило“ нема преземено понатамошни мерки. Овие записници немаат правна „тежина“. Според записниците, најчесто под вид на штета е забележано „сечење дрвја“. Меѓу сторителите на прекр...

Вкупното производство на шумски производи во државните шуми во четвртото тримесечје од 2017 година е за 7,7 отсто поголемо во споредба со истиот период од претходната година. Според податоците на Државниот завод за статистика, зголемување на шумското производство е забележано кај трупците од иглолисни видови, рудничкото дрво од иглолисни видови, огревното дрво од иглолисни и листопадните видови и друго грубо обработено дрво, цепеници, дрвени столбови и колци. Намалување има кај рудничкото дрво од листопадни видови, другото заоблено дрво од иглолисни и листопадни видови и просторното дрво од иглолисни видови. Извор: /a1on.mk/

Екипи на ЈП „Чистота и Зеленило“, членовите на здруженијата „Кумановски акцијаши“ и „Скаут“ денеска го чистеа локалитетот околу Спомен Костурницата во Куманово и насадија нови садници. Акцијата за чистење се одржува во рамките на проектот „Зелено Куманово“ кој што здружението „Кумановски акцијаши“ го спроведува во соработка со локалната самоуправа. Во рамки на акцијата исчистени се мини депониите од смет и шут. Градоначалникот на општина Куманово, Максим Димитриевски вели дека и покрај тоа што локалитетот не е во надлежност на општината, преку јавното претпријатие и невладините организации се преземаат мерки за чистење на овој значаен Споменик каде почиваат коските на учесниците од НОБ. – Во рамки на можносите преку ЈП „Чистота и Зеленило“ и покрај тоа што не е обврска на општината, се грижиме за чистење и одржување на местото но за жал нема одговорни лица кои треба да се грижат за сигурноста, како што тоа функционираше во минатото обезбедени чуварски служби кои ќе внимаваат како се од...

ЈП “Македонски шуми“ до медиумите испрати информација за Акцијата „Ден на дрвото засади ја својата иднина“. Ова е една многу интересна информација од која дознаваме дека јавното претпријатие било задолжено за избор на локациите за пошумување, но и од таму признаваат дека локациите кои ги избрале биле несоодветни ??? Ај нека им биде, иако прочка беше пред неколку денови, на оној кој признава пола му се прашта  J   Ова е за “без коментар“.  Во продолжение прочитајте го во целост информацијата. ЈП “Македонски шуми” од 2008 до 2016 година го спроведуваше проектот на Владата на Република Македонија, Акцијата „Ден на дрвото засади ја својата иднина“. Во сите изминати акции досега ЈП „Македонски шуми“ беше задолжено да обезбеди садници за пошумување на утврдени локации. Бевме задожени да бaраме локации за пошумување покрај населени места и блиску до пристапни патишта, како и косини покрај автопатиштата и средишниот простор на автопатиштата, покрај езерата и сл. ...

На предлог на Министерството за земјоделство, шумарство и водостопанство, Владата денеска ја разгледа информација за заштита и унапредување на работничките права преку колективен договор на вработените во шумската полиција , со што службените лица во шумската полиција се стекнуваат со право на работа во смени, на ноќна работа и на празник . Владата го задолжи Министерство за земјоделство, шумарство и водостопанство во рамките на своите буџетски можности да пренамени средства од својот буџет и да обезбеди средства за обврските согласно содржината на информацијата бидејќи припадниците на шумската полиција припаѓаат во групата на овластени службеници. -           Ова значи дека со усвојување на информацијата овластените службени лица во шумската полиција ќе имаат околу 30 осто повисоки примања во текот на секој месец, со тоа што оваа мерка ќе биде имплементирана со првиот ребаланс на Буџетот во 2018 година , изјави Бешњаковски. Владата го задолж...

Во земјава постојат добро организирани групи на дрвокрадци, кои во некои случаи се поопремени и од самата шумска полиција. Оваа „шумска мафија“ буквално ги има соголено шумите во Скопско, но и Шар Планина, а последиците од бесправната сеча на дрва имаат далекусежни последици. Првиот човек на Шумската полиција, Ејуп Јаја вели дека последните случувања во Тетово, каде во големите поплави имаше и шестмина загинати, го вклучија алармот поврзан со долгогодишниот проблем со бесправната сеча на дрва, особено на Шара. Според него, последиците од дрвокрадството се огромни, како од материјален аспект, така и во однос на лизгање на земјиштата, надојдување на реките, намален шумски фонд, нарушување на човечката околина и слично.  Само за неколку месеци, како што информираше полицијата, во Скопско е опустошена шума вредна 200 илјади евра. Преценките на експертите се дека само во периодот од 2007 до 2010 година, Македонија годишно губела по околу 10 милиони евра од дива сеча. „Штетата од еколошк...

Македонија поседува обучени лица кои го исполнуваат стандардот Меѓународен водич во планина. Тој подразбира поседување технички вештини за работа со различни категории клиенти, познавање на теренот, лични познавања на флората, фауната, историските знаменитости на предвидената тура што се нуди како туристички производ. Но, она што е особено позитивно кога станува збор за планинските водичи што се активни во рамки на Македонската асоцијација на меѓународни водичи за планина е нивната подготвеност за постојано надградување, како на нивната техничка опременост, подобрување на индивидуалните вештини и познавања што се предуслов за развој на планинскиот туризам во земјата. Тоа е оценката на Техничката комисија на Унијата на Меѓународните асоцијации за водичи во планина што деновиве престојува во Македонија. Бил Бејли, претседател на комисијата на денешната прес-конференција во Охрид посочи дека се поизразениот интерес на пазарот, како кај туристите така и кај и агенциите за планински туризам...

Наместо Македонија да има 109 заштитени природни подрачја, сега таа има само 69 такви заштитени зони на 7 отсто од територијата. Иницијативата да се заштити и Шара како национален парк „тапка“ во место 16 години. Македонија  и самата има донесено закон за заштита на природата, таа е обврзана да ги заштити од исчезнување своите животински и растителни видови и другите природни богатства и со многубројни европски и други меѓународни конвенции и други обврзувачки документи. Но, овие акти и меѓународни еколошки стандарди за Македонија и натаму остануваат во поголема мера само букви на хартија, оти оваа држава засега има подрачја со природни богатства само на 238 илјади хектари под своја заштита, меѓу кои спаѓаат и трите национални паркови „Маврово“, „Галичица“ и „Пелистер“ со вкупна површина од 108 илјади хектари. Во минатата година Министерството за животна средина ја известуваше јавноста преку изјави на своите челници дека со новите измени во Законот за природата и со појасно дефинир...

„Качи се на планина и слушни што ќе ти рече“. Планините во нас можат да побудат силни чувства, кои пред стотина години ги откри Џон Мјур. Нивната величенственост во нас предизвикува голема восхит, нивната природа не опејува, а мирот не опушта. Секоја година милиони луѓе одат на планина за да уживаат во преубавите погледи кои не опуштаат. „Планините се предмет на вечно весхитување и инспирација на секое друштво и култура“, изјави Клаус Тоепфер, извршен директор на програмата за Обединетите нации. Но и планините не се тоа што беа некогаш Нивната непристапност со векови во голема мера ги заштитила од прекумерна експлоатација. Сепак, планините сега се во опасност. „И овие последни области од непроменетата природа брзо исчезнуваат поради развојот на земјоделството, инфраструктурата и влијанието на некои од другите штетни фактори за нив“, се наведува во една изјава на Обединетите нации. Планинските области отстрануваат голем дел од Земјината кора. За природните ресурси на овие облас...

Како дел од борбата против загадувањето Кина распореди 60.000 војници од својата армија на садење дрва низ земјата. Најголемиот дел се од народната армија, а дел има и од полицијата, кои се повлечени од своите позиции на северната граница на земјата со Монголија и Русија, и прераспределени се на не-воени задачи во внатрешноста на земјата. Војниците ќе бидат испратени во Хебеј провинцијата која го обиколува Пекинг. Областа е озлогласена по создавање на огромни количества смог кои го покриваат главниот град. Проектот војници со лопати е дел од планот за пошумување на 84.000 километри квадратни со дрва до крајот на годината. Површина која отприлика е со иста големина како Ирска (Македонија е 25,7 илјади километри квадратни). Планот е површините под шума во Кина до 2020 да се зголемат од 21% од вкупната територија на 23%. Според првиот човек на Кинески шуми до 2035 ова треба да  достигне  26%. Извор: /off.net.mk/

Денес се зборува за економични режими, хибридите, електричните автомобили. Но, во Брест се движи УАЗ, кој работи на огревно дрво! За подобро да се разбере вредноста на оваа машина вреди да се цитира Сергеј, сопственикот на автомобилот или можеме да го кажеме, дизајнерот: „Откако возев во шумата по печурки и сфатив дека немам повеќе дрва. Што да правам? Собрав шишарки ги ставив во котелот и продолжив понатаму.“ Со еден збор УАЗ може да оди „бесплатно“ каде што има дрва и каде што има нешто што може да гори. Единствениот проблем би се појавил во пустина. Сергеј секогаш бил заинтеренсиран за воената историја. Затоа зборува за времињата кога таквите гасни генератори беа на врвот на технологијата: „Јаглениот гас бил употребуван од луѓето во пештерите. Добро познат факт дека во едно време осветлување во целиот Санкт Петербург беше обезбедено од гасни постројки. Современата историја на овој уред започнува во 1919 година, кога германско-францускиот инженер Георг Имберт, враќајќи се од Првата С...

Иако имаше акција за садење на 625 садници со најава за нејзино продолжување, не смее да се дозволи игнорантен однос кон сечата на веќе постоечките дрва кои не можат да се заменат ниту со 2-3 нови. Последните месеци се споделуваат слики од дрвја кои се сечат заради нови градежни парцели, исечени дрвја во градскиот парк, во Парк-шумата – Водно и последно – во Парк-шумата Гази Баба, реагираат од О2 Коалиција за чист воздух. Од таму велат дека се сведоци дека последните години на сметка на зголемување на „урбанизацијата“ – бетонот како вирус се прошири во централното градско подрачје, на „атрактивните“ локации, земајќи значителни делови од парковите и заштитените парк шуми. „Катастрофалните последици од нашата негрижа во соголувањето на Скопска Црна Гора во 2016 година однесоа човечки животи. Се надевавме дека со заминување на една власт ќе се смени и перцепцијата за значењето на зеленилото во овој град, но не само тоа. Очекувавме план за санација на сите последици што поскоро, зошто врем...

Квалитетни и разновидни податоци за шумарството обезбедени од систематски шумски инвентари се од суштинско значење за одржливо управување со шумите Со помош на Организацијата за храна и земјоделство на Обединетите Нации (ФАО), шумарскиот сектор во Македонија презема понатамошни чекори за одржливо управување со шумските ресурси и зголемување на придонесот на шумарскиот сектор во националната економија и руралниот развој. Одржливото управувањето со шумските ресурси значи обезбедување, дури и зголемување на нивните придобивки, вклучувајќи од дрвни и останати шумски производи, за задоволување на потребите на општеството на начин кој ги зачувува и одржува шумските еко-системи во корист на сегашните и идните генерации. Во исто време, одржливото стопанисување со шумите бара соодветни и квалитетни информации за моменталниот статус и промените во шумските екосистеми. И покрај деталното и добро воспоставено планирање на шумите на ниво на насад, во Република Македонија нема достапни...